ساوالان لالاسیز اولماز

محبت فروغی-حور- نمین(بولتن  ائل بیلیمی -ویژه نمین)

 بو ایلین ایلک گونونده  (1/1/1390) منصوره تمهیدی آذربایجانین مبارز و دؤزوملو قادینلاریندان بیری حیاتین دَییشدی . منصوره نمین بؤلگه‌سینین حور کندینده دونیایه گلمیش و ایکینجی بین‌الخالق محاربه‌سینده ایللر بویو اؤز حیات یولداشیلا بیرگه متجاوزلر قاباغیندا مبارزیه ال آتمیش و نهایت اوز وطنیندن سورگون اولموشدور. او وطن یولوندا چوخ مصیبتلر چکمه‌سینه رغما هئچ واقت یورولمامیشدی.

 او کئچیردیگی قارا گونلریندن بئله دانیشیردی:

" دشمن حیات یولداشیمی اردبیلده دوستاغا سالمیش و منی اونون گؤروشوندن محروم ائتمیشدی. بؤیوک قیزیم "لاله" آغیر مریض‌چیلیگه دوچار اولموشدو. اجنبی دشمن اونو کنددن چیخاریب، اردبیل شهرینده حکیمه آپارماغا قویموردو. گئجه‌نین قارانلیغیندا لاله‌م جان وئریردی، آما منیم آغلاماغا؛ قونشولاری بئله چاغیرماغا حقیم یوخو ایدی. حتی چیراق یاندیریب، ایشیغیندا اَیلشمگه بئله حقیم یوخ ایدی .

بو حالدا قیزیم لاله‌ جان وئردی و قارانلیقدا دوشمن سربازلاری مشاییعتینده کند قبرستانلیغین آشاغی باشیندا بیر چالا قازیب، لاله‌می غسل‌سیز؛ کفن‌سیز باسدیردیم. اوندان سونرا سورگونه سورولدوم و ایللر بویو وطنیمدن دیدیرگین‌ دوشدوم؛ قاییدیب گلنده نه قدر آختاردیم لاله‌مین نم-نیشانسیز قالان مزارینی تاپا بیلمه‌دیم. بو حسرت ابدی‌لیک اورگیمده قالدی."

بو اورگی یانیق آنانین دیلیندن بیر بایاتی قالیب کی اونو اوخویاندا گؤزیاشلاری دورمادان یاناغیندان آخاردی :

"ساوالان لالاسیز اولماز

یوللاری چالاسیز اولماز

بو یولا قیچ قویانین

باشی بلاسیز اولماز "

 

/ 23 نظر / 3 بازدید
نمایش نظرات قبلی
یاشار

سلام و سایقیلا سایین سولماز خانیم اگر بیزیم آنا یوردوموز ابدی آذربایجان دیری قالیب و نفس چکیر کسینلیک له منصوره تمهیدی کیمی قوجامان آنالارین سایه سینده دیر. بیزیم اولکه میزده لاله کیمی پرپر اولان لاله لر چوخدور. بیز بئله بیر قادینلارا فخر ائدیریک و اولو تانریدان او رحمتلی یه باغیش و قالانلارینا دوزوم دیله ییریک. سیز عزیز و حورمتلی و گوجلو قلمداشدان دا بو قونونو وبلاقدا پایلاشدیغینیز اوچون درین مینتدارلیغیمی بیلدیریرم. یاشاسین منصوره لاله و سولماز کیمی قادینلار.

رسول آرانلی

سالاملار سایین سولماز خانم ده یرلی وئبینیزده دیلیمیزین و ادبیاتیمیزین اینکیشافی حاقدا گوردویونوز ایشلر و خصوصا خالقین خزینه سی کیمی فولکلوروموزدان سوز آچمانیز چوخ اونملی دیر... اجازه نیزله سیزی باغلانتیلاریما آرتیردیم[گل]

احمداسدی

سلام گؤزل بلوقونوزا گؤره تشکورومو بیلدیریرم. ساغ اولون.[گل]

بابایی

سلام اگه ممکنه ازتاریخ زبانهای اذری باستان مطالبی رادرسایت بگذارید

حامد

سلام با پستی مربوط به روانشاد استاد یحیی شیدا به همراه عکسهایی منتشر نشده از آخرین ماههای حیات وی که مربوط به آخرین مراسم بزرگداشت مقام علمی ـ ادبی ایشان می باشد بروزم [گل]

شمالغرب

حسین پاینده ایتدی اصلاتی حسین حیرتده گویدی کائناتی حسین غرق بل سیماسی خندان حسینن اولدی اسلامون نجاتی

شمالغرب

حسین پاینده ایتدی اصلاتی حسین حیرتده گویدی کائناتی حسین غرق بل سیماسی خندان حسینن اولدی اسلامون نجاتی

طالب

سالاملار حرمتلی قلمداشیم آذربایجان و توروک ایلی اوچون بیر یازی ایله یئنی لندیم. ساغلیقلا یاشاین گوزوم یولویوزدا

یاشار امدادی

اوخودوم وآغلادیم بو آنالارین یولی همیشه داواملی اولسون . هجر ؛ زینب پاشا ومنصوره یوردوموزدا تاریخ بویو اولوب واولاجاق