خلخال کندلرینده دام باسدیرما

ائو یییه‌سی دام باسدیرما مراسیم‌یندن بیر گون اؤنجه تورپاق ایله بوغدا سامانینی سو ایله قاتیر و بئله‌لیکله پالچیق دوزلدرلر. آنجاق بیر گون قاباق دان ائو ییه‌سی واسیطه‌سی ایله نئچه نفر ایشله‌یه بیلن آدام بو مراسیمه دعوت اولونار. صوبح ائرته ایکن چاغیریلان آدملار گلیب و بیر نئچه‌سی پالچیغی قاریشدیریب‌ کونده دوزلدرلر. بیر نئچه‌سی ده آرخالارینا سبد تاخاراق کونده‌لری دام اوستونه داشییارلار. بیر نئچه نفر ده کونده‌لری دامین بوش یئرلرینده یئرلشدیریب‌ دامین اوستونده کی آچیق یئرلری توتارلار. آنجاق بیر نفر ده مالا الینه آلیب دامین اوستونو هامارلایار.

بو مراسیم صلوات ایله توکنر. البته بو مراسیم ده ایشله‌ین آدملار امک‌سیز (پولسوز، اجرت‌سیز) بو ایشه گیریشرلر. آنجاق یالنیز ائوییه‌سی بو مراسیمده ایشله‌ینلره قایلان آلتی (صبحانه) و ناهار و بعضا ایسه شام وئرر. ائو ییه‌‌سی پیشیریلن شیلان (خرج دادن- مهمانی دادن) دان آغ ساققال و آغ بیرچکلره و همده فامیل و قونشولارا پای آپارار. 

ایضاح:

* کاغیذکونان(کاغذکنان) بؤلگه‌سی آقکند شهرینین مرکزیتی ایله 15/10/1358‌_ جی گونش ایلینده 124 پارچا کند ایله خلخال شهرستانین دان آیریلیب میانا شهرستانینا باغلی اولدو. ایندی کاغیذکونان بؤلگه‌سی 73  پارچا کند ایله تانینیر.

*‌ کلگان کندی دؤولت سندلرینده کلیان یازیلیر. بو کند کئچمیش زامانلار 60 ائودن عبارت اولموشدور. ایندی بو کند‌40 ائولی‌دیر.

* دام باسدیرما: تیکیلن ائویین اوستونو اؤرتمک.                              

* چیرپی: آغاجلارین شووکه‌لی قول بوداغی. 

* آتما: ائوین اوستونه و هابئله تیرلرین آلتینا سالینانار.

/ 5 نظر / 16 بازدید
و

سلام چوخ گوزل.الریئنیز وار اولسن یاشا

فاطمه

چرا همش ترکی؟ پس تکلیف ماها که فارسیم و عاشق نمین، چی میشه؟! واقعا شهر خوب وآرومیه. مرسی از مهمون نوازیتون. دوران دانشجویی خوبی رو تو نمین گذروندم.

حامد

سلام گوزل یازیلاردان فایدالاندیم آذربايجان خالق چالغی آلتلری 2 سری کپی ویریلیب چوخ گورسنیر مطلبلردن کپی گوتورمک اولمور بو اینتیشار و یایلماقین قاباقینی آلیر یاشا سین آنادیلینین جانلانماقینا غیرت ائدن وطنداشلار