غملی یم قوی دئییم اورزک سوزومو

سینه مده یانیقلی سوزومه ده یمه

اوجاقلاردا یانان قورو آغاج تک

آلیشیب یانسامدا کوزومه ده یمه

 اوره ییم غم کدر غصه اولاغی

سینه مین ارییب قالماییب یاغی

سن آللاه آی حکیم قوی چیخیم داغی

یورولان قیچیما دیزیمه ده یمه

 غمله تانیش اولان غمسیز اولانماز

اورک بوشالماسا داها دولانماز

هر کیم غم یئمه سه شاعر اولانماز

قوی آخسین قان یاشیم گوزومه ده یمه

"محمد علی اوجاقی نیارق"(نمین )




:: برچسب‌ها:
ن : سولماز
ت : ۱٢ اردیبهشت ۱۳۸٩
نظرات ()
 
 

پیچک