نه عجب خلقی طبیعت ائیله‌دی یار منیله

یار اولوب محنتیمه گؤر نئجه غمخوار منیله

بیر زامان بولبول ایدیک، مسکنیمیز کونج قفس

نه عجب نیطقه گلیب طوطی گوفتار منیله

ال - اله منله وئریب جیفة ‌دنیا جمع ائدک

یاوریم یار قالیب هر گئجه بیدار منیله

عاشیق اولدوق ائله کی، لیلی و مجنون نه‌دیر

عؤمروموز گوللر آچیب گولشن و گولزار منیله

ائله بیل گولشنیمه باد خزان حمله ا ئدیب

یول تاپیب گولشنیمه یار ائله بیل خار منیله

منزیلیم باشه چاتا قویمادی بی مهر فلک

یاتدی طالع ائله بیل یار اولوب اغیار منیله

یاشادیق بیگه حیاتی رقبا ائتدی حسد

آیریلیق سالدی آرایا فلک اجبار منیله

آیریلیق سالدی آرایا فلکین سودی نه‌دیر

آسلانام من بیلیرم حق اؤزو یاردیر منیله


اسلان زاهدی




:: برچسب‌ها:
ن : سولماز
ت : ٩ اسفند ۱۳۸۸
نظرات ()
 
 

پیچک