<<پیر پرنیان اندیش>> قالین بیر کتابین آدیدیر کی ایکی جیلد  ده چاپ اولوب.کتابین ایچینده  هوشنگ ابتهاج(سایه )نین  نئجه یاشاماغینا  خاطره لرین باخیشیندان باخیلیب . دؤنه لرله بو کیتابی اوخوموشام.بوردا دیر کی  بو سوز آیدین لاشیر و یئنه ده  اثبات اولور:شهریار  بیر  بنزر سیر شاعیردیر.بوکتابدا سایه  شهریارین ایلک گوروشونده بئله دئییر:( ایلک دؤنه  منله دکتر  محمد امین ریاحی  شهریارین یانینا گئتدیک , 1326 اینجی  ایلده.فلاح دئییلن  کوچه ده  شهریارین پئشینه گئتدیک  او آن شهریار  اؤزو قاپینی  آچدی من دئدیم : مهمان نخوانده می پذیری؟(چاغیرمامیش قوناق استه میرسیز؟)....)سایه نین باخیشیندا شهریارین  بوتون ایشلری  چوخ فرق لی و جذبه لی دیر. او شهریارا باخاندا چوخ زامانلار اؤزون ایتیریر .سایه دئییر:( شهریار منی گؤرمک همان منیم اونون بوتون غزل لرین  ازبردن اولدوغومو بیر آز منله دانیشاندان سونرابیلدی بو مسئله یه گؤره حیران قالدی سونرا لار  منی بیرینه تانیتدیراندا منی "سایه" یوخ بلکه بیر شعر تانیان  معرفی ائدیردی) سایه شهریارین شعرین چوخ سئویر . شهریاردا بو مسئله نی بیلیردی . چوخ زامانلار  ساعات لارلا ادبیات  مسئله لرینین  اوستونده  دانیشاردیلار . اولموشدوکی دؤنه لرله  سایه شهریارین وشهریار دا سایه نین شعرلرین نقده  چکه .سایه بیر خاطیره دن دانیشیر:(بیرگون  آلما (سایه نین حیات یولداشی) بیر بؤیوک  قوناقلیق راهلامیشدی  و50 ,60 نفر دعوت ائله میشدی . (او جمله دن  حسین تهرانی ,  نادر نادرپور ,  فریدون مشیری , و... )بیر مفصل  شام  ضیافتین  ده حاضیرلامیشدی . شهریار  شام  میزینین اوستونده  اوتوراندان  سونرا الین کتینا  سالیب  بیربوقچانی چیخارتدی.

منبع:نشریه دغدغه


دستمالین  ایچینده  بیر پارا  قورو چؤرک  وارایدی . آلما  تعجب  له  باخیردی  شهریارا . شهریار بیر آز دایاندی  سونرا منه اؤزون توتوب دئدی: سایه جان من بیر درویشم . اجازه وئرسوز  شاما ائله بو چؤرگی  یئییم  من بؤیله راحاتام . و شاما ال وورمادی) سایه نین نظرینده  شهریارین  لاپ یاخشی  وجذبه لی  شعرلرینیدن بیری  "ای وای مادرم" شعری دیر . دؤنه لرله  اونو  اوخویوب آغلاییب . دورو اولماقی  , عاطفه لی  و آیدین دیلی:" او مرده است  وباز پرستار  حال ماست درزندگی ما همه جا وول می خورد هر کنج خانه صحنه ای  از داستان اوست  درختم خویش هم به کار خویش بودبیچاره  مادرم...." سایه شهریارین  بیر نئچه ایشلرینین تعجوبلی  اولماغیندان دانیشیر . بیر آیری دونیا چکیلیر  گؤزلرینین اونونده , بیر آیری یاشاییش. اویئرده  کی شهریارین  سئوگیلیسی  اونو آتیر و گئدیر باشقاسینلا ائولنیر .سایه نین ان  اؤنملی حیسی بو غزله اوردا  آیدینلاشیر کی گوز یاشلارین ساخلایا بیلمه ییر دؤنه لر له  اوخوسادا بو شعری..."ازتو بگذشتم و بگذاشتمت با دگرانرفتم ازکوی تواما عقب سرنگران ماگذشتیم وگذشت آنچه تو ما باکردیتو بمان بادگران وای به حال دگران"ایکی ایلدن  سونرا سیزده به در آدیلا آدلانان گونده (طبیعت گونو) گؤرودوگو همان  قیزی بیر اوشاق قوجاقیندا بئله یارادیر:"تو جگر گوشه هم از شیر گرفتی و هنوز من بیچاره  همان عاشق خونین جگرم سیزده را  همه عالم بدر امروز ازشهرمن خود آن سیزدهم کز  همه عالم بدرم "شهریار سایه نین  باخیشیندا چوخ عاطفه لی بیر اینسان دیر ویارانمیش خاطره لرینده . بئله نظره گلیر کی  بوتون  عالمه وصلدیر. سایه بیر ظریف  لغتین دالیجا گزیر شهریارین  وصفینده  کی عین حالده  واقعیتیده آنلادا.سایه نین  سون  گوروشو شهریارلا چوخ حزنلی و غملیدیر .باشقا بیر دونیا اینسانین گؤزلرینین قاباقیندا  چکیلیر بیر غم ئسمی  کیمین  ودومان توتور هر بیر بوجاغی اورک چرچوه سینده .: ( نئچه ایللر دن سونرا حبس دن قورتاردیغیم زامان بیر نئچه نفرله شهریارین یانینا گئتدیک .شهریارین احوالاتی عادی روالدان پوزولموشدو.دؤنموشدوعادی روالی.نئجه کی شهریار هئچ بیر زامان عادی دئییل دی ..سون گون لریدی . وداع لاشماق زامانی یئتیشدی..بیربیر یولداشلارلا  ال وئردی  اوپوشدو..اوزومو چکیردیم دالا کی هامی چیخا ائشیگه..کی  سون وداعلاشان اولام شهریارلا ..شهریار دئدی: سایه نی گتیرین قاباقا ..هانی سایه ؟گتیرین قاباقا..قوجاقلاشدیق..سایه جان ...شهریار جان...دکتر شفیعی  و اونون یانیندا دورانلار  چوخلو تعجوبله باخیردیلار...دلی لر کیمین آغلادیق...یاسلی لار کیمین ...دیری لر کیمین یوخ  اولولر کیمین..آغلادیق..آغلادیق .. قونشولار ائشیتدیلر...گلدیلر..ائله بیلمیشدیلر کی  بوردا بیراینسان اولدوکی  بئله بیرشیون  قالخدی..آقای فردی  سونرالار منه دئییردی :سیز گئدن دن سونرا  شهریارین گؤز یاشی هئچ دایانمادی ائله سؤیله ییردی : سایه جان...سایه جان... داها گؤرمه یه جه یم .داها گؤرمه یه جه یم...)سایه  بئله "سایه جان" دئییر شهریارین دیلی له کی داش دا سوزه گلیر .داریخیر.دولور..نه گؤز لدیر شاعیرلرین دونیاسی واونلارین خاطره لری..اوردا کی هر بیر باخیشلاریلا بیر بیری لرینه مین لرجه غزلی,مین لرله سؤزو,مینلرله فاجعه  نی ,مین لرله آجیلیغی  آنلادیرلار ....نه گوزلدیر حیس لرین آل وئری بو دار تیجارتخانادا, بو آجی کسادلیقدا...."هنرنمی خرد ایام و بیش ازینم نیستکجا روم  به تجارت  بدین کسادمتاع  خواجه شیراز"




:: برچسب‌ها:
ن : سولماز پورنعمت پیله رود
ت : ۱٤ مهر ۱۳٩۳
نظرات ()
 
 

پیچک