شهرستان نمین

معرفی شهرستان نمین

خیاوان اوشاغلاری
ساعت ۱٠:٥۳ ‎ق.ظ روز ۳ شهریور ۱۳٩٢  کلمات کلیدی:

منیـــــم بالام ، سنیــــن بــالان ، بوتـــون انسان اوشاغلاری

شیریــــن‌دیلــر ، آجیــــدیـــلار ، حقّیــــن شیطان اوشاغلاری

 یانلارینــدان  سایمــــازیـــانا  سوووشمـــــایاق  چیچکلـــرین

سایمــــازیانا  سوووشمــاقلار سیخیـر مـامـان اوشاقلاری


 کولک اسیر ، شیمشک چاخیر ، تک قــــویمایاق  بوگوللری

قیش دوْندورار ، ایستی وورار ، بوغار دومان  اوشاغلاری

 توستوچولر ، اویونبـازلار ، چاپـــوچولار ، تــــوْر قوروبلار

اژدها تک  اووسونلاییب  اوتـــار خـــوخان اوشاغلاری

 یــــاواش دانیش  عـــارسیزلارین   نشئه‌لری   پوزولماسین

قــارینپــالار درک ائتمــزلـــر  آج دولانــــان  اوشاغلاری

 قــــوی شئلله نسین  روباخوارلار  شومینــــه‌نین  قیراغیندا

نـــه آنــــلاییر ایمـــــانسیزلار  چـؤلـــده یاتــــان اوشاغلاری

 چوخلاریمیز  بؤیودوکجـه هم کار اولـــدوق  همـده کی کوْر

ائشیتمه دیک ، گؤرنمـــه‌دوک ، چوخلو زامان اوشاغلاری

 هاردادیـــلار ؟  زندانـــلاردا ؟  پانسیــــوندا ؟  لات خانادا ؟

اوره‌ییمــــــی  بتــــر  سیخیـــر  بو خیــــاوان  اوشاغلاری

 «نیراوغلـــونون» اوره‌یینه  درد چؤکوبـدو شاد اولماز کی

گؤزلری تک چـــوخ ایسته‌ییر  یاخشی یامــان اوشاغلاری