شهرستان نمین

معرفی شهرستان نمین

کربلادن بیر پای
ساعت ۱٠:٢٤ ‎ق.ظ روز ٢۸ بهمن ۱۳٩۳  کلمات کلیدی:

قایناق شخص :مریم پایدار (گولاب ننه ) 80یاشیندا

توپلایان شخص :سولمازپورنعمت

منبع :بولتن ائل بیلیمی

گولاب آدلی بیر آنا دئییر کی کئچمیشده آناسینین یویوک باباسی کربلایه زوار اولور.زیارتدن قاییتماغی ایکی ایله کیمی زامان آپاریر او گلنده آیری سوغاتدان علاوه یارپاقلاری بیر بیره ساریلان بیر گول ده گتیریر.

گول باره ده گولاب ننه بویوک بابالاریندان قالان سوزو بئله بیان ائدیرکی:گویا حضرت عیسی آنادان اولان زامان حضرت مریم  یئری چنگ ووروب دیرناخلامیش و الی دگن یئرده گول بیتمیش بو گول همان حضرت مریم نن  قالان بیر نشانه دیر.

کئچمیشده قادینلار بطنینده کی اوشاق دورد آیلیق اولاندا اولادین قاباقجا نه اولدوغونو بیلمک اوچون گلاب خانیمین آناسینین یانینا گئدردیلر.گویا او بو گول واسیطه سیله اوشاغین اوغول یا قیز اولدوغونو تشخیص وئره بیلرمیش.بئله کی  استکانا بیر آز سو توکوب گولو ایچینه قویاردی و نئچه ساعت گودردی کی یارپاقلانسین.گولون یارپاغی آغ اولسایدی اوشاق اوغلان و قیرمیزی اولسایدی قیز اولاجاغینی تشخیص وئرردی.

گولابین آناسیندان ارث قالان بو تجربه ایله اله گلن ایشی ایندی گولاب اوزو ده گوره بیلیر.

گولاب ننه نین یاخین آداملاری دئییرلر کی بو گول بورا کیمی یالان دئمه ییب و حتی ایندیکی "سونوگرافی"علمی ایله ده برابرلیک ائده بیلیر