قایناق شخص :رحمتلیک گولگزننه(گردشی )

یازان : سولماز پورنعمت

چاپ شده در هفته نامه فردای ما (اورمیه)

 سربازلیغا گئدن جاوان ، ایکی ایللیک خیدمتینی قوتاراندان سونرا همان اعزام اولان آیدا سربازلیق پالتارینی دوٌوولته تحویل وئریردی و ساغ سلامت عائیله قوجاغینا قاییدیب کیمی آتا ، آنادا اوغلونون خیدمتدن قورتولماسینا گوٌره قوربانلیق کسیب ، قوهوم قونشو و اقرابالارا پایلاردیلار.......


اوزاق منطقه ده خیدمت ائدنلر کی گاهدان آلتی آی ، و بیر ایل و حتی ایکی تامام ، عائیله دن اوزاق قالیردیلار مکتوب واسیطه سیله بیر بیرلرینن احوالاتیندان خبردار اولوردولار ، یازی پوزودان محروم اولان عائیله نامه نی میرزه یه یازدیریب اوخوتدورایدیلار . مکتوبلار چاپار واسیطه سیله مقصده چاتدیریلیردی البته مکتوبدان علاوه ( سربازلارا ) پول و یوندن توخونموش کوٌینک ، الجک، جوراب ، و باشقا شئی لره گوندریلیردی.

بو آچیق مسئله نی نظره آلاراق کی مملکته خیدمت ائتمک هر بیر کیمسه یه میللی بیر وظیفه دیر آنجاق او عائیله نین کی ایشلی یه نی خیدمته گئدیریردی قورتارانا کیمی مالی جهت دن مضیقه ده اولوردولار.

اسکی ایللرده سربازلیق یاشینا چاتان جاوانلارین آدی پاسگاه طرفیندن کندین آق ساققل لارینا اعلان اولونوردو کی سرباز عائیله سینی خبردار ایله سینلر . سرباز دا خبری ائشیدن کیمی اوٌزونو وطنه خیدمت ائتمه یه حاضر لاییردی . آدی چیخانلار هانسی آیدا دونیایا گلمه سینه باخمایاراق ایل ده بیر دفعه ( بیر بورج دا ) اعزام اولونوردولار.

سربازخانادا یئرین آزلیغی و یئیینتی موادین چاتمامازلیغی سبب اولوردو هر دن سربازلارین بیر سیراسی دوٌولت طرفیندن عفو ائدیلسین لر.

 

سربازلار دوزولوب کوچه باشینا  ..... گوروبپان توو وئریر مینین ماشینا

سروان اوغلان سروان اوغلان ...... دوروم اولوم سنه قوربان

یاتمیشدیم اویاق ده ییلدیم ....... من سنه لایق ده بیلدیم

-         سرباز گلیر آشا آشا ....... پوتون لاری ده ییر داشا

-         جانمی قوربان ائیلرم .... گلرسن قوناق ائیلرم

-         باشین یئغناق ائیلرم ..... ییغارام ائل طایفامی

-         دوٌوری گول بزرم ....... قاباقیندا قند ازرم

-         سروان گلیر قطار قطار ...... قاطار لاری یولدا یاتار

-         آش گل آش گل بو داغلاری ...... دانیش دیلی نین قوربانی

-         گئدیرم دریایا اوزومو آتام ..... سویوندا غرق اولام لٍهینه باتام

-         آش گل آش گل بو داغلاری ....  دانیش دلی نین قوربانی

-         ساوالانین دیبینن اویدوم .... مژمهی ده ناهار گویدوم

-         اوجا داغین باشینداسن .... اولدوز کیمی پاریللارسن

-         گئدنده کوسولو گئتدی ..... گلنده نئجه دیندیرم

-         گلستان باغندا آلاق ائیلرم ....... گلندن گئدندن سوراغ ائیلرم

-         گلستان باغیندا گول اکن جانیم .... گول لرین دیبینه سو سپن جانیم

-         گلستان باغی توکر یارپاغی .... سینمه چکیلیب آیریلیق داغی

-         آی اوجا داغلار کولگلی باغلار ..... من غریب اولسم منه کیم آغلار

-         چکیل قال کیناردا داغلار ..... قوی سفره گئدن گلسین

-         قوی الی الیمه ده یسین                                   

-         سرباز گلیر آشا آشا .... پوتون لاری ده ییر داشا

-         آنا دور اوتاغی دوشه .... اومودوم وار بورا دوشه

 




:: برچسب‌ها:
ن : سولماز پورنعمت پیله رود
ت : ٦ امرداد ۱۳٩٢
نظرات ()
 
 

پیچک