شهرستان نمین

معرفی شهرستان نمین

(محمد شروین امیرزاده)
ساعت ٩:۳٩ ‎ق.ظ روز ٩ مهر ۱۳٩۱  کلمات کلیدی:

زنگانان بیر پای(محمد شروین امیرزاده)

نه یاتیب سیز اغوز اوغلانلاری قالخین ایاقا

ائلیمیز توپراقین آتدا

نفسی ساقیا دوشموش

نئچه سی دونیا دییشمیش

سس آتین قوی دره لردن کومگه قوچ نبی گلسین

گویدن اولدوزلار النسین

سپه لنسین لپه لنسسین

نه روادیر که نسیمی بالاسی ایندی دلنسین

باشیوی قوزا سهندیم

سنه دونیاجا گووندیم

سنی گوردوگجه ائگیدلر اوره گی دالغالانیب دیر

سنه آذر بالاسی دال دالانیب دیر

"ائلیمین شانلی داغی"

 بیرجه دماونده خبر وئر

یاتان الونده خبر وئر

اوباتان کنده خبر وئر

اتگینده بو نه سیردی

بونه تیترتمه دی سنده، نیه بس داملار اسیری

سارا عصمتلی خانم لار بالادان اوتری ملیردی

چوخوسو باشلارینا توپراق الیردی

سسیوی ال باشیوا سسله آذربایجانیوی

یوو اوزوندن قانیوی(ادامه مطلب)


بیر هارای چک اوجادان قوی اولو بابک دادا گلسین

بوغو بورما کیشی لر فریادا گلسین

ده لی لر امدادا گلسین

باشیوی قوزا سهندیم

بیلیرم سینه ده چوخ اودلو کؤزون وار

صمده سویله مه لی چوخلو سؤزون وار

هله یوللاردا گؤزون وار

آخ گلیب چیخمادی ستار؟!

باشیوی قوزا سهندیم باشیوی سالما اشاغا

الیوی وئر ساوالانا ایکی ییز قالخین ایاغا

سن اوداغسان کی یامان گونلری سوودون

ییر تیجی ایتلری قوودون

نئجه ظالیم لری گوردوم، یاپشیب بورنونو اودون

کاشکا تیترتمه گلن یئرده کور اوغلو ساغ اولایدی

بوحیاسیز بالانین زولفونو عینی جه یولایدی

 اُوندا الله نه اولایدی؟

ده ده قورقود سازینی بیرده باسیدی سینه سی اوسته

 اوخوییدی سنی ساغ قال

باش اوجا ملتیمیز بیرده دئسینلر سنه جان جان

سنه قوربان اولاریق یکسره بیز آذری بایجان

سن اوداغسان اتگینده دلی دومرول ایاق آچمیش

زینه وئرمش سینه ن اوسته کیشی لیک چشمه سی داشمیش

آدیوی شهریاریم دفترینین تاجینه ساچمیش

سنده بوزقوردلار اولاشمیش

الیین وئر ساوالانه

فلگین گوزلری سیزده

نئجه بیرلیکده گنه همت ائدرسیز

قوجا قارتال کیمی گویلرده گزرسیز

یازیلار سیزلریلن بیر ده افق لاردا که ای:

آدی تاریخه برابر

اوزو دوققوز فلکه منظرو محور

سنی ساغ قال _ایاق اوسته

سنن افسر اورسته

گووه نیب دیر سنه  ایران

سنده ایلهام اولونوب تفسیرمیزان

ائلییب الغدیرین دونیانی حئیران

دولانیم باشیوا دونیا جا سنین آذری بایجان

 

                                                                                                   محمد شروین امیرزاده