شهرستان نمین

معرفی شهرستان نمین

لایلالاربئشیک نغمه لری
ساعت ۸:٥٩ ‎ق.ظ روز ٢٧ آذر ۱۳٩٠  کلمات کلیدی: شهرستان نمین ، ائل بیلیمی ، لایلالاربئشیک نغمه لری ، محمد علی اوجاقی نیارق

محمد علی اوجاقی نیارق(بولتن ائل بیلیمی -ویژه نمین )

خالقیمیزین چوخ عصیرلیک شیفاهی ادبیاتی‌نین مهم بیر حیصه‌سینی ده لایلالار یاخود بئشیک نغمه‌لری تشکیل ائدیر. لایلای آنالارین ایستک و آرزولارینی عکس ائتدیرن بایاتی وزنینده شعرلردیر. آنالار کؤرپه اوشاقلاری بئشیگه قویوب حزین و یوخلادان هاوا ایله لایلای چالارلار.

آشاغیدا ویلکج ماحالیندا خصوصیله ده نیارا (نیارق) کندینده یایغین اولان لایلالارین نئچه‌سینی خدمتیزه تقدیم ائدیریک.

 لایلای چاللام اوجادان

سسیم چیخمیر باجادان

آللاه سنی ساخلاسین

چیچکدن قیزیلجادان

 


 
گیزلمه عشق اودونو
ساعت ۱٠:۱۸ ‎ق.ظ روز ٢٦ آذر ۱۳٩٠  کلمات کلیدی: شهرستان نمین ، پیله چای ، گیزلمه عشق اودونو

اصلان زاهدی شاعری است که گوشه ای از ادبیات شفاهی موطن اش آذربایجان را می سراید . شعر او ترانه است و ترانه او شعر و شعر او صدای مغنی های ایل «اوزنها» (عاشیقها)است و او خود اوزانی است برجسته . او مثل شعرهایش ساده و بی آلایش است و هیچ گاه سعی نمی کند که با پیچیدگی و ابهام در شعر ،خویش را خیلی شاعر نشان دهد . او مرثیه گوی دل خویش است . شاعر ایل خویش ،وطن خویش و ملت خویش . او انگار داغ هزاران ساله دارد و درد پدران و مادران ایل خویش را فریاد می زند راستی مگر غیر از این است که ادبیات شفاهی اذربایجانی ها غنی تر از ادبیات مکتوب آنهاست
ایشان به امید خدا کتاب 4 خود را به چاپ رساند کتاب جالادیم گونو.گونه - و کتاب غریب ائلده -...  

به لطف خدا هفته پیش کتاب گیزلنمه عشق اودونو ازاصلان زاهدی پیله رود انتشار یافت .


 
قند سیندیرما گئجه‌سی اورنج کندینده
ساعت ٩:٠٤ ‎ق.ظ روز ۱۳ آذر ۱۳٩٠  کلمات کلیدی: شهرستان نمین ، ائل بیلیمی ، قند سیندیرما

محمد موسا زاده(بولتن ائل بیلیمی -ویژه نمین )

آذربایجان خالقی‌نین، موختلیف مراسیملری و همین مراسیمه باغلی بیر سیرا  اینانجلاری وار، بونلارین ان گؤزلی، توی و شینلیک دبلریدی.   گرچی بو مراسیملر، بوتون شهر و کندلرده  آشاغی-یوخاری عینی سویه‌ده توتولور، آنجاق  کندلریمیزده  داها آرتیق  اؤز اصالتین ساخلامیشدیر.  بونلار کئچه‌جکده اولدوغو کیمی یئرینه یئتیریلیر.

نمینه باغلی اولان اورنج کندینین توی مراسیمنده  بیر قندسیندیرما گئجه‌سی وار، بو قند سیندیرما گئجه‌سی و اونون دالیسینجا دا سیندیریلان کله‌ قندلرین باشینی  قیز-اوغلانین باشینا اوغماقدا بیر پارا معنالی و  درین حکمتلر وار.  آشاغیدا همین مراسیم و  حکمتلردن دانیشیلاجاق.

 


 
ساوالان لالاسیز اولماز
ساعت ۱۱:٥٠ ‎ق.ظ روز ۸ آذر ۱۳٩٠  کلمات کلیدی: شهرستان نمین ، ائل بیلیمی ، حور ، ساوالان لالاسیز اولماز

محبت فروغی-حور- نمین(بولتن  ائل بیلیمی -ویژه نمین)

 بو ایلین ایلک گونونده  (1/1/1390) منصوره تمهیدی آذربایجانین مبارز و دؤزوملو قادینلاریندان بیری حیاتین دَییشدی . منصوره نمین بؤلگه‌سینین حور کندینده دونیایه گلمیش و ایکینجی بین‌الخالق محاربه‌سینده ایللر بویو اؤز حیات یولداشیلا بیرگه متجاوزلر قاباغیندا مبارزیه ال آتمیش و نهایت اوز وطنیندن سورگون اولموشدور. او وطن یولوندا چوخ مصیبتلر چکمه‌سینه رغما هئچ واقت یورولمامیشدی.

 او کئچیردیگی قارا گونلریندن بئله دانیشیردی:

" دشمن حیات یولداشیمی اردبیلده دوستاغا سالمیش و منی اونون گؤروشوندن محروم ائتمیشدی. بؤیوک قیزیم "لاله" آغیر مریض‌چیلیگه دوچار اولموشدو. اجنبی دشمن اونو کنددن چیخاریب، اردبیل شهرینده حکیمه آپارماغا قویموردو. گئجه‌نین قارانلیغیندا لاله‌م جان وئریردی، آما منیم آغلاماغا؛ قونشولاری بئله چاغیرماغا حقیم یوخو ایدی. حتی چیراق یاندیریب، ایشیغیندا اَیلشمگه بئله حقیم یوخ ایدی .

بو حالدا قیزیم لاله‌ جان وئردی و قارانلیقدا دوشمن سربازلاری مشاییعتینده کند قبرستانلیغین آشاغی باشیندا بیر چالا قازیب، لاله‌می غسل‌سیز؛ کفن‌سیز باسدیردیم. اوندان سونرا سورگونه سورولدوم و ایللر بویو وطنیمدن دیدیرگین‌ دوشدوم؛ قاییدیب گلنده نه قدر آختاردیم لاله‌مین نم-نیشانسیز قالان مزارینی تاپا بیلمه‌دیم. بو حسرت ابدی‌لیک اورگیمده قالدی."

بو اورگی یانیق آنانین دیلیندن بیر بایاتی قالیب کی اونو اوخویاندا گؤزیاشلاری دورمادان یاناغیندان آخاردی :

"ساوالان لالاسیز اولماز

یوللاری چالاسیز اولماز

بو یولا قیچ قویانین

باشی بلاسیز اولماز "

 


 
باش یازی
ساعت ٤:۱۸ ‎ب.ظ روز ٤ آذر ۱۳٩٠  کلمات کلیدی: شهرستان نمین ، نمین ، باش یازی ، فولکولور تاریخی

سولمازپورنعمت (بولتن ائل بیلیمی -ویژه نمین )

خالقلارین فولکولور تاریخی ایلک انسان مسکنلرینین میدانا قویولماسینا گئدیب چاتیر، چونکی هر خالقین یاشاییش طرزلری اونون فولکولوروندا اوز عکسینی تاپیر و اگر دئسک بیر ائلین تاریخینی بیلمک اوچون ایلک نؤوبه ده گرک اونون فولکولورونا مراجعت ائدک، هئچ ده یئرسیز دانیشمامیشیق.

باشی همیشه اوجا اولان خالقیمیز دونیانین ان زنگین و رنگین فولکولور ثروتلریندن بیرینه مالیکدیر. بو منیم سؤزوم دئییل بؤیوک اوستادلار دا بونو دئییرلر. اوستاد شهریار بو باره ده دئدیگی سؤز هشده تصادفی دئییلدیر:

"تورکون مثلی، فولکولورو دونیادا تکدیر. "

فرهنگ و مدنیت آدینی اؤزویله داشییان و تاریخی مین ایللر یاخاسیندان قوپان نمین ماحالینین فولکولورو دا آذربایجانین هر بیر یئرینین فولکولورو کیمی چوخ غنی و زنگین اولماسی هامییا آیدیندیر.

توی و یاس مراسیملریندن توتدو، آتالارسؤزو، ناغیللار، بایاتیلار، . . . . آلقیشلارا قدر هله قارغیشلاری دئمیرم.

کئچمیشدن یادیگار قالان بئله قیمتلی و دَیرلی ثروتی و روحوموزا آخان آغیز ادبیاتین گلن نسیللره چاتدیرماق میللی و ظیفه‌میز و اؤده‌مه‌لی بورجوموزدور.

بورادا بو معنوی وارلیقدان دامجی قدر اولموش اولسادا منطقه‌نین قلم صاحیبلرینین امگی و کومگی ایله نمونه‌لر حاضیرلاییب سیز حؤرمتلی اوخوجولارا تقدیم ائدیریک.

معنوی یاردیملارینیزی بیزدن اسیرگه‌مه‌یین عزیزلر.

ساغ قالین